သစ္စာလေးပါး မြတ်တရား

ဒုက္ခသစ္စာ

မြင်ဆဲ၊ ကြားဆဲ စသည်၌ ထင်ရှားသော ရုပ်နာမ် အပေါင်းကို ဥပါဒါနက္ခန္ဓာ ဟုခေါ်သည်။ တဏှာဖြင့် ဒိဋ္ဌိဖြင့် စွဲလန်းနိုင်သောကြောင့် ခေါ်ဆိုရခြင်းဖြစ်သည်။ ဥပါဒါနက္ခာဟု ခေါ်သော ရုပ်၊ ဝေဒနာ၊ သညာ၊ သင်္ခါရ၊ ၀ိဥာဉ်တို့ကို သက္ကာယ ဟုခေါ်သည်။ သက္ကာယ ဟူသည်မှာ ထင်ရှားရှိသော ရုပ်နာမ် အပေါင်းပင်ဖြစ်သည်။ သက္ကာယ ဆိုတဲ့ ရုပ်နာမ် အပေါင်းကို ဒုက္ခသစ္စာ- ဆင်းရဲ အစစ်အမှန်ဟူ၍ ခေါ်သည်။ (လိုရင်းကား ရုပ်နာမ် အပေါင်းသည်ပင် ဒုက္ခသစ္စာဖြစ်ပေသည်။)

သမုဒယသစ္စာ

နှစ်သက်သာယာ ပြီးဆာနေတဲ့ တဏှာဟာ သက္ကာယ ခေါ်တဲ့ ရုပ်နာမ်ခန္ဓာ ဒုက္ခသစ္စာ ဖြစ်ပွားရခြင်း၏ အကြောင်းရင်းပါဘဲ လို့ သိစေလိုတာပါဘဲ ။ တဏှာဆိုတဲ့ ပါဠိက ဆာတယ်လို့ အနက်ရှိတယ်။ ဆာတယ်ဆိုတာ စားချင်ပြီးဆာတာ သောက်ချင်ပြီးဆာတာ မျိုးပါဘဲ။ နှစ်သက်သာယာတာလဲ ဆာတဲ့ သဘောဘဲ။ လိုချင်တာ တောင့်တရတာ..၊ ရချင်တာ ခံစားချင်တာတွေ လဲ ဆာတဲ့ သဘောပဲ၊ ယခုလူတွေဟာ အကောင်းတွေကို မြင်ရလို့လဲ အားမရဘူး၊ ထပ်ကာထပ်ကာ မြင်ချင်နေတာပဲ၊ ကြားလို့လဲ အားမရဘူး၊ ထပ်ကာထပ်ကာ ကြားချင်နေတာပဲ၊ နံလို့လဲ အားမရဘူး၊ ထပ်ကာထပ်ကာ နံချင်နေတာပဲ၊ စားလို့လဲအားမရဘူး၊ ထပ်ကာထပ်ကာ စားချင်နေတာပဲ၊ တွေ့ထိလို့လဲ အားမရဘူး။ ထပ်ကာထပ်ကာ တွေ့ထိပြီး ခံစား ချင်နေတာပဲ၊ အာရုံကောင်းတွေကို စိတ်ကူးကြံစည်လို့လဲ အားမရဘူး၊ ထပ်ကာထပ်ကာ ကြံချင်နေတာပဲ၊ အဲဒီလို အားမရနိုင်တာဟာ ဆာတဲ့ သဘောပဲ။ (လိုရင်းကား တဏှာသည် သမုဒ္ဒယ သစ္စာပင်တည်း)

နိရောဓသစ္စာ

နိရောဓ သစ္စာဆိုတဲ့ နိဗ္ဗာန်တရားက အသိခက်တယ်၊ အပြောရလည်းခက်တယ်၊ မိမိတို့ သန္တန်မှာ ရှိနေတဲ့ ရုပ်နာမ်များလို မိမိတို့ မျက်မှောက် မှာရှိနေတဲ့ ရုပ်ဝတ္ထုများလို သိဖို့လည်း မလွယ်ဘူး၊ ပြောဖို့လည်း မလွယ်ဘူး၊ သက္ကာယ နိရောဓောဆိုတာကို ဒဲ့ဒိုးပြောမယ်ဆိုရင် ဥပါဒါနက္ခန္ဓာဆိုတဲ့ ရုပ်နာမ်တို့၏ ချုပ်ခြင်း ကင်းငြိမ်းခြင်းလို့ ပြောရမှာပဲ၊ ဒါပေမဲ့ အဲဒီရုပ်နာမ်တွေ ချုပ်တာကလည်း ဖြစ်ပြီးတော့ ချုပ်ပျက်သွားတာမျိုးကို ဆိုလိုတာ မဟုတ်ဘူး၊ ဖြစ်နေကျ ရုပ်နာမ်တွေ အကြောင်းမရှိလို့ လုံးလုံး မဖြစ်ဘဲ ချုပ်ခြင်း ကင်းငြိမ်းခြင်းကိုသာ ဆိုလိုတယ် ဒါကြောင့် ဒီမှာ အကြောင်းဖြစ်တဲ့ သမုဒယ တဏှာ၏ ချုပ်ခြင်းဖြင့် ဖော်ပြထားတာပါပဲ။ ( ထေရီမ ဖြေဆိုတော်မူထားသော တိုက်ရိုက် အဖြေမှာကား တဏှာချုပ်ခြင်း ပင်ဖြစ်ပါသည်။)

မဂ္ဂသစ္စာ

သမ္မာဒိဋ္ဌိ စသော မဂ္ဂင်ရှစ်ပါးသည်ပင် သက္ကာချုပ်ခြင်း သို့ရောက်သော အကျင့်ဟု ခေါ်သည်။

သမ္မာဒိဋ္ဌိ- မှန်စွာ မြင်ခြင်း။
သမ္မာသင်္ကပ္ပ-မှန်စွာကြံခြင်း။
သမ္မာဝါစာ- မှန်စွာပြောခြင်း။
သမ္မာကမ္မန္တ-မှန်စွာပြုခြင်း
သမ္မာအာဇီဝ-မှန်စွာ အသက်မွေးခြင်း။
သမ္မာဝါယာမ- မှန်စွာအားထုတ်ခြင်း။
သမ္မာသတိ- မှန်စွာ အမှတ်ရခြင်း။
သမ္မာသမာဓိ- မှန်စွာ စူးစိုက်တည်ကြည်ခြင်း။

ဗုဒ္ဓခေတ်မြတ် တွေ့ကျိုးနပ်ပါစေ

ရေချမ်းသစ်သီး၊ ပန်းဆီမီးကို

ခိုင်ဖြီးသဒ္ဓါ၊ လှုပြီးကာမျှ

ငါ့မှာကောင်းကျိုး၊ အလွန်တိုးဟု

ယုံကိုးစိတ်ထဲ၊ မရောင့်ရဲနှင့်။

မစဲညနေ့၊ ဘုရားရှေ့တွင်

ပျော်မွေ့မြတ်နိုး၊ မြဲရှိခိုး၍

ကောင်းကျိုးပွားစည်၊ ကြီးလှပြီဟု

ယုံကြည်အားရ၊ စိတ်မချနှင့်။

ဓာရဏနှင့်၊ ဓမ္မစကြာ

မေတ္တာပဋ္ဌာန်း၊ ရွတ်နိုင်စွမ်းကြောင့်

ရွှင်လန်းပီတိ၊ ဂွမ်းဆီထိကာ

ကြီးမည့်တေဇော်၊ မစောင့်မျှော်နှင့်။

ဂုဏ်တော်ပုတီး၊ သက်စေ့ပြီးအောင်

ဇွဲကြီးခိုင်မာ၊ ငြိမ်သက်စွာဖြင့်

သဒ္ဓါကြည်ယုံ၊ စိပ်ပြီးရုံဖြင့်

လုံလောက်လှပြီ၊ မရပ်တည်နှင့်။

ရေကြည်သစ်သီး၊ ဆီမီးလှုမျိုး

ရှိခိုးဝတ်ရွတ်၊ စေလွှတ်မေတ္တာ

တစ်ရာ့ရှစ်သီး၊ စိပ်ပုတီးကို

မငြီးဆင့်ကဲ၊ စိပ်မြဲစိပ်ပါ၊ မဖြတ်ပါနှင့်။

ဆက်ကာတစ်မျိုး၊ ရှေ့သို့တိုး၍

အကျိုးနိဗ္ဗာန်၊ မျှော်ရိုးမှန်က

ရုပ်နာမ်ခွဲခြား၊ ကျင့်တရားသာ၊ သံသရာဝဋ်

ထွက်လွတ်စေကြောင်း၊ လမ်းမှန်ကောင်းဟု

ညွတ်ပျောင်းစိတ်ထဲ၊ ယုံကြည်စွဲလျက်

အမြဲနေ့ည၊ ၀ိပဿနာ၊ ဘာဝနာကို

ခိုင်မာဆန္ဒ၊ ကြိုးလုံ့လမှ

ဗုဒ္ဓခေတ်မြတ်၊ တွေ့ကျိုးနပ်မည်

ကြပ်ကြပ်သတိရှိပါစေ။

(မဟာသဒ္ဓမ္မဇောတိကဓဇ ဦးအောင်သိမ်း)

ဒီကဗျာလေးကို ဆရာတော် အရှင်ဆန္ဒာဓိက ဟောကြားတော်မူသော ရဟန်းဘာကြောင့်ပြုရတယ် ဆိုသော စာအုပ်မှ ကောက်နှုတ်တင်ပြခြင်းဖြစ်ပါသည်။ သူတော်စင်အပေါင်းတို့လည်း ယနေ့မှစ၍ ဘာဝနာ တရား နေ့ညမပြတ်ပွားများအားထုတ်နိုင်သော ပုဂ္ဂိုလ်များဖြစ်ကြပြီးလျှင် တဏှာချုပ်ငြိမ်းရာအမှန် မြတ်နိဗ္ဗာန် ကို မျက်မှောက်ပြုနိုင်ကြသည့်ကိုယ် ဖြစ်စေ။

ဇော်ကြီး (စကားဝါမြေ)

ဒါယကာ ၀တ္တရား ၅-ပါး

မေတ္တာစိတ်သက်၊
ဆောင်ရွက်ချစ်ခင်၊
ခင်မင်နှုတ်ချို၊
လိုလျှင်ဖိတ်ထား၊
တတ်အားလှူစေ၊ ငါးခုနေ ပြုလေဒါယကာ

၁။ မေတ္တာနှင့်ယှဉ်သော ကာယကံမှုဖြင့် လည်းကောင်း။
၂။ မေတ္တာနှင့်ယှဉ်သော ၀စီကံမှုဖြင့် လည်းကောင်း။
၃။ မေတ္တာနှင့်ယှဉ်သော မနောကံမှုဖြင့် လည်းကောင်း။
၎။ အမြဲမပြတ်လှူဒါန်းလိုသော စိတ်ထားဖြင့် လည်းကောင်း။
၅။ ဆွမ်းစသော အာမိသတို့ကို ပေးလှူခြင်းဖြင့် ပြုစုအပ်ကုန်၏။

ရဟန်း ၀တ္တရား ၆-ပါး

မကောင်းမြစ်ထာ၊

ကောင်းရာကိုလှစ်၊

အသစ်ဟောကျူး၊

နာဖူးထပ်မံ၊
နတ်ထံတင်ရာ၊

မေတ္တာလည်းပြု၊ ရဟန်းမှု ခြောက်ခုလွန်သေချာ

၁။ မကောင်းမှုမှ တားမြစ်ကုန်၏။
၂။ ကောင်းမှု၌ သက်ဝင်တည်စေကုန်၏။
၃။ ကောင်းသောစိတ်ဖြင့် စောင့်ရှောက်ကုန်၏။
၎။ မကြားဖူးသောတရားစကားကို ဟောကြားကုန်၏။
၅။ ကြားဖူးသော တရားစကားကို ဖြူစင်စေကုန်၏။
၆။ နတ်ပြည်ရောက်ကြောင်း ခရီးလမ်းကို ပြောကြားကုန်၏။

ရှစ်ပါးသီလ

(၁) ပါဏာတိပါတာ ဝေရမဏိ၊
(သူတစ်ပါး၏ အသက်ကို သတ်ဖြတ်ခြင်းအမှုကိစ္စတို့အားမပြုလုပ်ပဲရှောင်ကြင်မည်ဟူသော သိက္ခာပုဒ်အားထိန်းသိမ်းစောင့်ရှောက်ခြင်း)

(၂) အဒိန္နာဒါနာ ဝေရမဏိ၊
(သူတစ်ပါးမပေးသောပစ္စည်းဥစ္စာတို့ကိုယူငင်ခြင်း "ခိုးယူခြင်း"စသောအမှုကိစ္စတို့အား မကျူးလွန်ပဲ ရှောင်ကြင်စောင့်ထိန်းခြင်း)

(၃) အဗြဟ္မစရိယာ ဝေရမဏိ၊
(မကောင်းသော မြင့်မြတ်မှုမရှိသော ကာမဂုဏ်သားတို့၏ အလေ့အထ အကျင့်များမပြုကျင့်ပဲ စောင့်ထိန်းခြင်း)

(၄) မုသာဝါဒါဝေရမဏိ၊
(မဟုတ်မမှန်သောစကားပြောခြင်း၊ လိမ်လည်လှည့်ဖျားပြောဆိုခြင်းတို့မှ ရှောင်ကြင်ခြင်း)

(၅) သုရာမေရယ မဇ္ဇ ပမာဒဋ္ဌာနာ ဝေရမဏိ၊
(မူးယစ်မေ့လျော့စေသော အရက်သေစာ ဘိန်းဘင်းကစော် လှော်စာ စသည့် မူးယစ်ထုံထိုင်း ဘေးဖြစ်စေတတ်သောဆေးဝါးများ သုံးစွဲခြင်းမပြုပဲရှောင်ကြင်ခြင်း)

(၆) ၀ိကာလဘောဇနာ ဝေရမဏိ၊
(အချိန်ကာလမဟုတ်သော အဟာရကိုမသုံးဆောင်ပဲ၊ နေ့လွဲ ညစာ မစားသုံးပဲရှောင်ကြင်စောင့်ထိန်းခြင်း)

(၇) နစ္စ ဂီတ ၀ါဒိတ ၀ိသူက ဒဿန မာလာဂန္ဓ ၀ိလေပန ဓါရဏ မဏ္ဍန ၀ိဘူသနဋ္ဌာနာ ဝေရမဏိ၊
(ဂီတ၌ပျော်ရွှင်နေခြင်း၊ ပန်းရနံ့များအပေါ်သာယာနေမိခြင်း၊ သီဆို ကခုန်ခြင်း စသောအမှုများတို့ကိုပြုမူချိုးဖေါက်မိခြင်းမရှိရန်စောင့်ထိန်းခြင်း)

(၈) ဥစ္စာသယန မဟာသယနာ ဝေရမဏိ သိက္ခာပဒံ သမာဒိယာမိ။
(တန်ဘိုးကြီးလွန်းသောအသုံးအဆောင်များသုံးစွဲခြင်း၊ မြင့်လွန်းမြတ်လွန်းသော အိပ်ယာနေရာထိုင်ခင်းစသည်ဖြင့် သုံးစွဲခြင်း တစ်တောင်အတိုင်းအတာထက်မြင့်သော ကုတင်တွင် အိပ်စက်ခြင်းစသည်တို့ မပြုပဲ ရှောင်ကြင်စောင့်ထိန်းခြင်း)